ज्येष्ठ व्यक्तिमत्त्व कै. आनंदा निऱ्हाळी यांचे निधन; परिसरात हळहळ
सिन्नर | निःपक्ष सत्यगुरु, प्रतिनिधी :
ज्येष्ठ व आदरणीय व्यक्तिमत्त्व कै. आनंदा निऱ्हाळी यांचे वयाच्या ८३ व्या वर्षी दुःखद निधन झाले. त्यांच्या निधनाची बातमी समजताच नातेवाईक, मित्रपरिवार व परिसरातील नागरिकांमध्ये हळहळ व्यक्त करण्यात येत आहे.
कै. आनंदा निऱ्हाळी हे स्वभावाने अत्यंत शांत, मनमिळावू व प्रेमळ होते. त्यांनी आयुष्यभर साधेपणा, प्रामाणिकपणा आणि माणुसकी जपली. समाजातील प्रत्येकाशी आत्मीयतेने वागणे आणि सर्वांना आपुलकीने जोडून ठेवणे ही त्यांची खास ओळख होती. त्यांच्या सहवासात आलेल्या प्रत्येकाच्या मनात त्यांनी आपलेपणाचे स्थान निर्माण केले होते.
त्यांच्या जाण्याने कुटुंबियांसह परिसरात मोठी पोकळी निर्माण झाली असून अनेकांनी त्यांना भावपूर्ण श्रद्धांजली अर्पण केली आहे. त्यांच्या आठवणी आणि त्यांनी दिलेले संस्कार कायम सर्वांच्या मनात जिवंत राहतील, अशा भावना अनेकांनी व्यक्त केल्या.
अत्यंत कठीण परिस्थितीतही अथक परिश्रमांच्या बळावर त्यांनी शून्यातून आपले विश्व उभे केले. कुटुंबाच्या उन्नतीसाठी त्यांनी आयुष्यभर कष्ट घेत आपल्या मुलांना चांगले शिक्षण व सुसंस्कार दिले. त्यांच्या संस्कारातून एक सुसंस्कृत व समाजोपयोगी पिढी घडली, हीच त्यांच्या आयुष्याची खरी कमाई मानली जाते.
त्यांच्या पश्चात मुलगे श्री. नंदकिशोर आनंदा निऱ्हाळी, श्री. धनंजय आनंदा निऱ्हाळी, मुलगी सौ. रेखा किशोर मेहरकर तसेच नातू कु. नयन नंदकिशोर निऱ्हाळी, कु. आकाश नंदकिशोर निऱ्हाळी व कु. तनिष्क धनंजय निऱ्हाळी असा परिवार आहे.
त्यांच्या निधनामुळे परिसरातील विविध स्तरांतून शोक व्यक्त करण्यात येत असून सर्वत्र शोककळा पसरली आहे.
ईश्वर त्यांच्या आत्म्यास चिरशांती देवो, हीच सर्वांची प्रार्थना.
