नाशिकचे नवनियुक्त जिल्हा उपनिबंधक कुंदन भोळे यांचे सिन्नर तालुक्यातर्फे उत्साहात स्वागत!
सिन्नर | निःपक्ष सत्यगुरु, प्रतिनिधी : www.nipakshsatyguru.in
प्रभू रामचंद्रांच्या पदस्पर्शाने पावन झालेल्या आणि ऐतिहासिक वारसा लाभलेल्या नाशिक नगरीचे नवनियुक्त जिल्हा उपनिबंधक (DDR) मा. श्री. कुंदन भोळे साहेब यांचे सिन्नर तालुक्याच्या वतीने सहकार क्षेत्रातर्फे हार्दिक स्वागत करण्यात आले.
मा. कुंदन भोळे साहेब यांनी यापूर्वी सोलापूर येथे जिल्हा उपनिबंधक म्हणून अत्यंत उल्लेखनीय आणि कौतुकास्पद कामगिरी बजावली आहे. सोलापूरमधील त्यांच्या याच उत्कृष्ट कामाचा दांडगा अनुभव आता नाशिक जिल्ह्याला, विशेषतः सिन्नर तालुक्याला मार्गदर्शक ठरेल, असा विश्वास याप्रसंगी व्यक्त करण्यात आला.
सहाय्यक निबंधक संजय गीते यांच्या हस्ते सत्कार
सिन्नर तालुक्याचे सहाय्यक निबंधक मा. श्री. संजयजी गीते यांनी नवनियुक्त जिल्हा उपनिबंधक कुंदन भोळे साहेब यांची सदिच्छा भेट घेऊन सिन्नर तालुका सहकार विभागाच्या वतीने त्यांचे पुष्पगुच्छ देऊन उत्साहात स्वागत व अभिनंदन केले.
“भोळे साहेबांच्या कार्यकुशलतेचा आणि प्रशासकीय अनुभवाचा फायदा नाशिक जिल्ह्यातील सहकार क्षेत्राला अधिक बळकट करण्यासाठी नक्कीच होईल.”
— मा. संजयजी गीते (सहाय्यक निबंधक, सिन्नर)
या स्वागतप्रसंगी सिन्नर तालुक्यातील सहकार क्षेत्रातील विविध मान्यवर, अधिकारी आणि कर्मचारी उपस्थित होते. सर्व स्तरांतून मा. कुंदन भोळे साहेब यांच्यावर शुभेच्छांचा वर्षाव होत आहे.
