औद्योगिक प्रशिक्षण संस्थेत व्यसनमुक्ती जनजागृती अभियान उत्साहात संपन्न
सिन्नर | निःपक्ष सत्यगुरु प्रतिनिधी, दि. ३१ जुलै २०२६, www.nipakshsatyaguru.in
कौशल्य विकास व उद्योजकता विभागांतर्गत औद्योगिक प्रशिक्षण संस्था (आयटीआय), सिन्नर येथे महाराष्ट्र शासनाच्या “व्यसनमुक्ती जनजागृती अभियान” अंतर्गत जनजागृती कार्यक्रम उत्साहपूर्ण वातावरणात पार पडला. या अभियानाचा शुभारंभ राज्याचे उपमुख्यमंत्री मा. देवेंद्र फडणवीस यांच्या हस्ते राज्यस्तरावर करण्यात आला असून, त्याच अनुषंगाने आयटीआय सिन्नर येथे या कार्यक्रमाचे आयोजन करण्यात आले.
कार्यक्रमासाठी प्रमुख मार्गदर्शक म्हणून डॉ. प्रशांत एच. गाढे (फॅक्टरी मेडिकल ऑफिसर) उपस्थित होते. त्यांनी विद्यार्थ्यांना व्यसनांचे शारीरिक, मानसिक व सामाजिक दुष्परिणाम याबाबत सखोल मार्गदर्शन केले. तंबाखू व मद्यपानामुळे होणारे गंभीर आरोग्यधोके, व्यसनामुळे होणारी जीवनातील घसरण तसेच त्यापासून दूर राहण्यासाठी आवश्यक असलेल्या उपाययोजना याविषयी त्यांनी प्रभावीपणे माहिती दिली. युवकांनी निरोगी, सशक्त व व्यसनमुक्त जीवनशैली स्वीकारणे ही काळाची गरज असल्याचे त्यांनी विशेष अधोरेखित केले.
कार्यक्रमादरम्यान विद्यार्थ्यांनी व्यसनाला ठाम नकार देण्याचा, चांगल्या सवयी अंगीकारण्याचा व समाजात व्यसनमुक्तीचा संदेश पोहोचविण्याचा संकल्प केला. तसेच व्यसनमुक्ती विषयक माहितीपर पोस्टर्सचे प्रदर्शन आयोजित करण्यात आले होते, ज्यामुळे विद्यार्थ्यांमध्ये जागरूकता वाढीस लागली.
या कार्यक्रमास आयटीआयचे सहायक संचालक, प्रशिक्षण अधिकारी, कर्मचारी तसेच मोठ्या संख्येने प्रशिक्षणार्थी विद्यार्थी उपस्थित होते. कार्यक्रमाचे सूत्रसंचालन संस्थेच्या कर्मचाऱ्यांनी प्रभावीपणे केले.
या कार्यक्रमास आयटीआयचे गटनिदेशक श्री. चांदगुडे एस. एम. व प्र. गटनिदेशक सोनवणे बी. वाय. तसेच सर्व शिल्प निदेशक, सहायक संचालक, प्रशिक्षण अधिकारी, कर्मचारी व मोठ्या संख्येने प्रशिक्षणार्थी विद्यार्थी उपस्थित होते. कार्यक्रमाचे सूत्रसंचालन संस्थेच्या जगताप व्ही. एन. यांनी प्रभावीपणे केले.
कार्यक्रमाच्या शेवटी उपस्थित सर्वांनी “व्यसनमुक्त भारत – निरोगी भारत” घडविण्याचा दृढ संकल्प करून शपथ घेत कार्यक्रमाची सांगता करण्यात आली.
